Jimpoka euajpentakasiia imani _SEE_ arhikatani, pauni jueves uetenantatisi anchikuarhikuecha ima k'eri k'umanchikua uaxastakatarhu

Nota traducida a purépecha 

_Sesi kantskuankuni kitatauastisï jorhemperichani ma, ari churikuarhu

Morelia, Michoacán, 2 de noviembre del 2022.- Jimpoka euajpentakasiia imani k'eri k'umanchikua uaxastakatani _Secretaría de Educación del Estado (SEE) arhikata, pauani menteru uetenantati anchikuarhikuechani jima anapuecha, enkisï  70 mil_ anchikuarhiricha jorhenkuarhikueri ka jorhenkuarhiricha iapuru isï uetarhenchanaka.

Nitamasti ma anchikuarhikua imankunsï kitatauaka sesikua jinkoni, ma ekuatse jorhemperichani enki uenatikasi _normal_ arhikatarhu, kitatauastisï jima k'eri k'umanchikueri enki jaka xanarhu _Siervo de la Nación_ arhikata, jimanki kanti inchantakasï ima _área de nóminas_ arhikatarhu jimpoka uetarhenchampka meiamuni jorhemperichani ixu anapuechani.

Tatsekupakuankuni ma enki orhejtsïkuka ima _Guardia Civil_ arhikata, juramuticha jorhemperakueri euajpentastisï ari churikua jima enki anchikuarhinajka, ka jimposï pauani ima jantu _9:00 horas_ uetenantatisï menteru anchikuarhikuecha jima anapuecha.

Juramuticha ari erechikueri uantontskuarhipani ampe usïnti, ka jimposï imampu _Secretaría de Educación_ ka mataru k'eri k'umanchikuechankuni uaxastakatecha menki jauenati uantontkuarhipani tsani _sindicatos_ ka _normalistas_ arhikatechankuni, anchikuarhipani ampenkuni enki kurhajkuarhiakasï imanki sesikua jinkonsï nitamaka.