Jorhenkuarikua no anaxurhisïnti, intsïnastisï _2 mil 400_ sapicha orhutakuechani imeri UNICEF: SEE

Nota traducida a Purepecha

_Anchikuarhixakateruxi jimoka exexakasï ampe enki uetarhenchajkasï jorhemperakuecha jimanki no sesi jantskaka jenchekuecha

Morelia, Michoacán, 28 de octubre de 2022.- Sano _2 mil 400_ jorhekuarhiricha sapicha ka k'eraticha jorhenkuarhisïntisï orhutakuecharhu enki jatsïkuaka ima _Secretaría de Educación del Estado (SEE)_ jarhoajperakuankuni imeri _Fondo de Naciones Unidas para la Infancia (UNICEF)_ arhikata, ka i anchikuankuni jinkoni xarharasïnti enki anchikuarhinakasï, ka isï exeni ampe enki uetarhenchanakasï eretecha tsanki no sesi jantskauaka ima jenchekua, enki ukuarhika xajkani _19_ ima kutsiri _septiembre._

"K'uiripchakuecha axakuasïnkasi imani _UNICEF_ arhikatani jimpoka jarhoataxatisïni uni enki sapicha menki jauenani jorhenkuarhinauakasi. Mitetixakasï enki kanekua ampeterusï k'ueratanchanaka, ka enki kanekua ukueka exeani iamintuechani, najki isekia jucha menki jauenaka anchikuarhini", uantasti ima juramuti _Yarabí Ávila González._

Jintestisï ma ekuatse ka tempeni orhutakuecha jimanki jorhentanajkasï sapicha tempeni ma ekuatse jorhemperakuecheri, jimpoka ima _Secretaría de Comunicaciones y Obras Públicas (SCOP)_ arhikata uantasti enki, jima no sesi jantskapka jenchekua, iumu t'amu jarhastisï _Apatzingán,_ iumu tanimu _Aquila_ ka tempeni tanimu _Coahuayana._

Namuneskisï jorhemperakuecha, ka namuneskisï sapicha enkisï jorhenkuarhinaka tsï orhutakuecharhu, nosi sesimintu miteska, jimpoka uanekua jorhemperakuecha k'urajkuarhiaxati. Jimposï eratsexakasï enki menki jauenaka k'urajkuarhiansï, ka jimposï santaru orhutakuechansïni axachiauati.

Mantani orhutakuankuni jurhasïnti tsïmani ukantecha, jimanki jataka uratakuecha jorhenkuarhiricheri isï enki karhánaritarakuecha, karánarhitakuecha, _juegos de geometria, gomas, reglas para uso profesional_ arhikatecha ka mataru mamaru ampecha.

Artsi orhutakuecha uenastisï ima erechikuarhu Puebla arhikata, ka exeauti ka anchitauati ima SEE, ka itku axarkuarhiasti jatsïkuani imampu _Coordinación de Planeación y Evaluación Educativa_ arhikata.

Enkisï, notki uaka k'uanatsentani jorhenkuarhiricha imeri jorhemperakuarhu, jautisï ari orhutakuecharhu, ka enkisï notaru urakuarhiaka axantauatisï imarhu SEE, enki patsauka kani enki menteru uetarhenchakasï mataru nani ari Kotsikueri.