Santarhu jorhemperakuecha jintestisia enki anchikuarhinakasï imankuni Internet para todos arhikatankuni

Nota traducida a Purépecha 

_80 antenas jatsïkumenastisia enki tsïmani kutsicha nitamakia

Morelia, Michoacán, 5 de noviembre del 2022.- Jimpoka uejkasï enki sesi jorhenkuarhiaka sapicha, tumpicha ka iuritskiricha ima _Secretaría de Educación del Estado (SEE)_ arhikata jatsïkuaxati tsani _antenas_ arhikatechani, ima anchikuarhikuankuni _Internet para todos_ arhikatankuni; enkisï nitamanapka tsani kutsichani _septiembre_ ka _octubre_ jatïkuastisï _86 antenas satelitales_ arhikatecha.

"Menki jauenaxakasï anchikuarhini imankuni _Internet para todos_ arhikatankuni, jimpoka uetarhenchajkasï jorhenkuahiricha, jintesti jukaparakua ma; jimpoka uetarhenchajkasï ka inkuni sesi jorhenkuarhini ampe", uantasti juramuti jorhenkuarhikueri _Yarabí Ávila González._

Juramuti jorhenkuarhikueri erankuntasti enki xajkani enki minakatasï japka uetarhenchampkasï _Internet_ arhikatani, ka jimposï juramuti erechikueri _Alfredo Ramírez Bedolla_ uantasti enki jorhemperakuecharhu jatsïkumenapirinkasï.

Jintestisï _600 antenas_ enkisï uejka anchitauani ari uexurikuarhu i erechikuarhu, sontkusï uekanasïnti jatsïkumenani eretecharhu jimanki santarusï uetarhenchanaka, jorhemperakuecharhu ka matarhu nani enki k'uirhipu jamajka (janhaskakuarhu, tsïnajperakuecharhu, ka kopikuecharhu).

Iretecharhu enkisï jatsikumenakia jintestisï _Morelia, Penjamillo, Acuitzio, Charo, La Piedad, Tarimbaro,_ ka matarauecharhu.

Jorhempericha enkisï uejka enki jatsïkumenakasï ma, uatisï sïranta pani ma, jimankisï kurhajkuarhijka, imarhu _Direccion General de Unidades Regionales_ jimanki juramutika ima _Martín Lopez Ortiz_ arhikata.