Sesi nitamaskasï i uexurhikua, jimpoka sontku meiamunastisi anchikuarhiricha jorhenkuarhikueri: _SEE

_Jintesti sano 26 mil millones de pesos enki urakuarhika meiampekuarhu jorhempericheri_

Morelia, Michoacán, 30 de diciembre del 2022.- Juramuticha ixu anapuecha imampu _Secretaría de Educación del Estado (SEE),_ k'amarutasïnti uexurhikua upani isï enki na juramuka juramuti, _Alfredo Ramirez Bedolla,_ enki sontku meiamuapirinka anchikuarhirichani jorhenkuarhikueri ixu anapuechani, ka isï ukuarhenchani isï enki no meni ukuarhimpka.

Jimpoka mataru uexurhikuecharhu nosï sontku meiamuauampka ka jarhoatauampka jorhemperichani, i uexurhikuarhu juramuticha ixu anapuecha jarhoajperakuankuni Juramutichampu Kotsikuerinkuni uati isï ukuarhini.

Uetenastisïa axamenani tumina meiampekueri imankuni k'amarutakasi i uexurhikua, ka uranasti sano _26 mil millones de pesos_ meiampekuarhu jorhempericheri i uexurhikuarhu.

I kutsirhu urakuarhisti _4.7 millones de pesos_ meiampekuarhu, _aguinaldo_ arhikatarhu ka mataru amperi imecheri jorhempericheri.

Juramuti _Gabriela Molina Aguilar,_ menki jauenati jarhoatauani jorhemperichani enki papuani papuani jorhentauajka sapichani ka tumpichani, ixu anapuechani, ka uantasïnti enki jorhenkuarhikua jinteka ampe enki uetarhejkasi, ka anchikuesti iamintuecheri.