Sesikua jinkoni, sano _4 mil_ jorhempericha mojtakustisiia na enkisï meiamunajka ari kustirhu: SEE

Nota traducida en Purépecha 

_Mamaru tankuarhikuecha ukuarhixatisï instituciones bancarias arhikatechankuni ka isï tsïchankuntu anchikuarhini

Morelia, Michoacán, 28 de octubre del 2022.- Ari kustirhu _4 mil_ anchikuarhiricha jorhenkuarhikueri, enkisï meiamunampka cheque arhikatankuni meiamunasïntisiia tarjeta arhikatankuni, jintestisï sano _58 mil_ jorhempericha ka anchikuarhiricha jorhenkuarhikueri enkisï isï meiamunajkiia, isï uantasti ima _SEE_ arhikata.

Juramuti _Yarabí Ávila González,_ uantasti enki tankuarhintanaka, iamintuechankuni enkisi nitamajka imani meiampikuarhu, enkisi no ampe p'inkuaka, ka isï sankani sani kitatakasï ima k'uarhutperakuani, imarhu jimanki ima juramutika.

Enki nasi nitamanaka, menki jauenani tankuarhikuecha ukuarhixatisï _instituciones bancarias_ arhikatechankuni, ka tsïchankuni uni enki iapurhu isï uakasï tumina p'itantani, ka enki isï anchikuarhiricha jorhenkuarhikueri sontkusï meiamunaka.

Sano ima 20% jorhempericheri notkisi meiamunasïnti ini _tarjeta_ arhikatankuni, jimposï p'imarhisïnti enkisï mostakuaka na enki meiamunajka, jimpoka arhinkusï sontku meiamunaka.

Ka jimposï, tsa enki notki jatsïkuarhika _tarjeta_ uatisï eranarhikuni nani ka kansï ua nirani p'itsïkuarhini, ka ixusï uaka eranarhikuni https://bit.ly/3RH8cU6

Artsï anchikuarhikuechankuni, Juramuticha i Erechikueri, imampu _SEE_ arhiakata, xarhataxati enki menki jauenani kitatanaka k'uarhutperakuani.